TERMINI VENDIMTAR
Pamje nga ndeshja e dytë e serisë finale/ TOPSPORTI/ A. P.
Të hënën përcaktohet fituesi i titullit
19 April, 2019 @16:38
Federata e Basketbollit të Kosovës ka bërë të ditur sot terminin e ndeshjes vendimtare të serisë finale të PlayOffit të Ligës së Dytë të Kosovës.
Pas fitores së parë nga Megasporti dhe fitores së Newbasketit në ndeshjen e dytë të serisë finale, dueli i tretë zhvillohet të hënën më 22 prill me fillim në ora 19:00 në Sezai Surroi.
Në këtë ndeshje, fituesi i saj do të bëhet kampion i Ligës së Dytë të Kosovës në basketboll dhe do të sigurojë kualifikim automatik në Ligën e Parë.
Humbësi i finales do të ketë edhe një mundësi tjetër për Ligë të Parë, duke tentuar përmes PlayOutit me ekipin e parafundit nga Liga e Parë. Seria e PlayOutit përbëhet nga maksimalisht tre ndeshje, ku ekipi i cili arrin dy fitore së pari, me përparësi terreni ekipi i Ligës së Parë, do të sigurojë sezonin 2019/20 në Ligë të Parë.
