DUELET E XHIROS 28
Tirana pa mëshirë, Kukësi e ndjek
7 June, 2020 @20:09
Ka përfunduar sot edhe xhiroja e XXVIII e Superiores shqiptare në futboll, derisa liderja Tirana nuk ka të ndalur.
Ekipi i drejtuar nga nigeriani Emmanuel Egbo nuk ka të ndalur dhe bardhekaltërit e kryeqytetit nuk kanë falur Luftëtarin që praktikisht po i përjeton ditët e fundit në Superiore.
Tirana ka parakaluar shpejt dhe sigurt Luftëtarin në Gjirokastër duke e mposhtur 0-5 [Kristi Vangjeli 4, ëinful Cobbinah 20, Edon Hasani 42, Idriz Batha 66p, Ismael Dunga 77].
Në anën tjetër Kukësi gjithashtu si mysafir ka tejkaluar kampionin aktual Partizani, që nuk po luan si duhet, duke e mposhtur 1-3 [Theo Solomon 72 - Kristal Abazaj 45, Dejan Boldor ag 51, Valon Et’hemi 62].
Në duelet tjera u arritën këto rezultate: Bylis 1-0 Teuta, Laçi 5-2 Vllaznia dhe Flamurtari 0-1 Skënderbeu.