Valoni e Elvisi fitojnë, Miloti mposhtet

Kanë përfunduar të gjitha ndeshjet e orës 15:30 në Bundesligë sot, ndërsa ekipet ku luajnë lojtarët tanë janë duke luftuar për shpëtim nga rënia prej Bundesligës.

VALON BERISHA ME FITORE TË RËNDËSISHME

Fitore të rëndësishme ka shënuar Fortuna e Valon Berishës. Valoni luajti 67 minuta dhe mori një karton të verdhë në fitoren e jashtëzakonshme si mysafir ndaj Freiburgut 0-2 [Hoffman 37, Thommy 61].

KRIZA E WERDERIT TË MILOTIT VAZHDON

Në anën tjetër, Milot Rashica me Werderin janë në krizë të madhe. Skuadra ka pësuar humbjen e pestë me radhë dhe tashmë ka rënë në pozitën e parafundit të Bundesligës, derisa Miloti ka qenë për 90min në fushë, pa ndikim në rezultat, ku Borussia Dortmund e jashtëzakonshme fitoi 0-2 [Zagadou 52, Håland 66].

FITORE, PAPRITUR E THELLË

E Elvis Rexhbeçaj ka qenë gjithashtu për 90min në fushë dhe ka marrë një karton të verdhë në përballjen që ekipi i tij Koln si mysafir e fitoi thellë ndaj Hertha Berlinit në krizë, 0-5 [Cordoba 4, 22, Kainz 37, 62, Uth 69].

TABELA AKTUALE:

12. Union Berlin 26p
13. Koln 26p
14. Hertha 26p
15. Mainz 22p
16. Fortuna 20p
17. Werder 17p
18. Paderborn 16p