Vendoset në San Siro

Një gol i shpejtë në pjesën e parë nga Stephane El Shaarawy, pas krosimit të Ignazio Abates i dha start premtues Milanit në Philips Arena sonte, pas sulmuesve të shpeshta në fillim të PSV Eindhovenit. 

Mirëpo sulmuesi slloven, Tim Matavz ka arritur të barazojë rezultatin në pjesën e dytë pas goditjes së furishme të Jeffrey Brumas që u dëbua nga Cristian Abbiati. 

Rezultati  1-1 nga ndeshja e sontme do të thotë që holandezët do të duhet të shënojnë patjetër në San Siro për të shpresuar kualifikimin. 

Në ndeshjet tjera, Olympique Lyon ka dështuar si vendas në Stade de Gerland duke u mposhtur nga Real Sociedad 0-2. Shitja e Lisandro Lopezit dhe mosloja e Bafetimbi Gomisit kanë ndikuar tepër te ish kampioni françez, gjë që më së miri e shfrytëzuan baskët dhe tani më vetëm mrekullia mund t’i ndalojë ata nga Liga e Kampionëve. 

Shqiptari Agim Ibraimi luajti mbi 80 minuta me Mariborin në humbjen nga Viktoria Plzen në Çeki, ku u mposhtën 3-1. 

Ndërsa Zenit St Petersburg i Luciano Spallettit mund të thuhet se ka siguruar Ligën e Kampionëve pasi që theu Paços de Ferreiran në Portugali 1-4. 

LIGA E KAMPIONËVE, Play-Off