Vetëm barazim për Interin

Pas vetëm dy fitoreve me radhë, Inter është ndalur. Djelmoshat e ëalter Mazzarrit, përkundër mundit, nuk kanë arritur të marrin më shumë se një pikë në ndeshjen e zhvilluar sot në Giuseppe Meazza ndaj Cagliarit modest. 

Për më tepër, Inter në pjesë të dytë ka ndjekur rezultatin pasi që Cagliari kishte marrë epërsinë me anë të golit të shënuar nga penalltia nga ana e Maurizio Pinillas në fund të pjesës së parë. 

Mauro Icardi ka bërë dallimin në pjesë të dytë, pas së cilës erdhi edhe goli i barazimit i shënuar nga Rolando, mirëpo sulmuesi i ri i Interit ka dështuar të shënojë pranë portierit të sardenjezve kur goditi shtyllën. 

Raste kishte edhe Fredy Guarin, disa, pastaj edhe Icardi, por Interit thjesht nuk ia deshi për të shënuar edhe njëherë që të arrihet fitorja e tretë me radhë, pas asaj ndaj Sassuolos dhe Fiorentinës. 

Rezultatet dhe tabela aktuale.