TOP COACHES RANKING
Vetëm një trajner i Superligës në TOP 1000 të botës
17 July, 2019 @15:03
Në sistemin automatik të renditjes së trajnerëve më të mirë në botë, që llogaritet nga Coaches Ranking e Football Rankings, vetëm një trajner i Superligës së Kosovës ka arritur të përbirohet në 1000-shen më të mirë të trajnerëve në botë.
Zekirija Ramadani i Feronikelit është njeriu që ka arritur të zë vend në pozitën e 930-të në këtë renditje, ndërsa asnjë trajner tjetër i ekipeve kosovare nuk është në këtë listë.
Përndryshe nga shqiptarët gjithandej, më i miri i renditur është Besnik Hasi, që kap vendin e 182-të në listë, para Qatip Osmanit të Shkëndijës që kap pozitën e 869.
Sistemi i llogaritjes kompjuterike punon në këtë mënyrë:
Llogaritja bëhet duke u bazuar në rezultatet e 52 javëve paraprake, duke u llogaritur çdo të hënë. Rezultatet e ndeshjeve futen në databazë, ku bashkë me komponente tjera në llogaritje, krijojnë tabelën prej të parit e deri te i fundit.
Kosova si shtet nuk përfshihet në këtë listë. Nga trajnerët me pasaportë të Shqipërisë, në TOP 1000 është vetëm Besnik Hasi, që është edhe më i miri nga të gjithë shqiptarët në renditje, ku në 1000-shen më të mirë janë të tre të përmendurit këtu.
