Vokrri viziton stadiumet që po rinovohen

Kryetari i FFK-së, Fadil Vokrri, ka qenë i pranishëm sot në stadiumin e Prishtinës, pas vizitës së bërë dje në Adem Jashari të Mitrovicës.

FFK ka raportuar që punimet po shkojnë sipas planit dhe pritet që ndeshja ndërkombëtare ndërmjet Kosovës dhe Finlandës, që do të duhet të luhet më 5 shtator të zhvillohet në Prishtinë.

Raporti i FFK-së ka cilësuar se punimet po shkojnë sipas dinamikës së paraparë dhe se stadiumet pritet të jenë të gatshme për ndeshje ndërkombëtare si të klubeve ashtu edhe të reprezentacionit.

Stadiumi i Prishtinës pritet të rregullohet për ndeshje të reprezentacionit, ndërsa ai i Mitrovicës Adem Jashari për ndeshjet e klubeve në gara ndërkombëtare.