Vucinic afër Arsenalit

Sulmuezi malazias i Juventusit dhe partneri i sulmit të Fatos Beqirajt në reprezentacionin e këtij vendi, Mirko Vucinic, është shumë afër kalimit në Arsenal, njoftojnë mediat italiane sot. 

Sipas të përditshmes së afërt me Juventusin, Tuttosport, Vucinic pritet të udhëtojë sot për në Londër për të kryer testet mjekësore, pasi që më parë lideri i deridjeshëm i Premier League, Arsenal ka arritur marrëveshje me kampionin italian Juventus për huazimin e tij. 

Vucinic 30 vjeçar njihet si qendërsulmues klasik, derisa tërë karrierën e tij ndërkombëtare e ka kaluar në Serie A, duke nisur nga Lecce, për të kaluar në Romë e përfunduar në Juventus. 

Vucinic ishte shumë afër kalimit në Inter, por neroazzurrët në momentin e fundit ndërprenë marrëveshjen.