NË GJAKOVË
Vula hat-trick, Vëllaznimi demolon Ballkanin
7 September, 2016 @18:23
Pas barazimit ndaj Istogut në duelin e xhiros së parë, Vëllaznimi sot ka shënuar breshëri golash në Gjakovë për të shënuar fitoren e parë të stinorit.
Ekipi kuqezi ka mposhtur Ballkanin e Suharekës thellë, duke e siguruar fitoren që në pjesën e parë kur arritën epërsinë 3-0.
Lekë Vula ka shënuar hat-trick në fitoren e gjakovarëve, ndërsa Jeton Dushi dhe Egzon Gashi kanë shënuar nga një gol tjetër në fitoren 5-1 të Vëllanzimit ndaj Ballkanit, për të cilët shënoi Leotrim Brahimaj.
