Zenit skenon Fellainin

Mesfushori belg i Evertonit, Marouane Fellaini, i cili po përjeton stinorin më të mirë në Angli, së fundi është kërkuar edhe nga gjiganti rus, Zenit St. Petersburg.

Zenit, që pa mëdyshje ka paguar 32 milionë funta për të blerë belgun Axel Witsel nga Benfica, shpreson që të bashkojë dyshen e mesfushës së përfaqësueses së Belgjikës.

“Menaxhmenti pritet që të forcojë mesfushën. Transferi do të jetë i kualitetit të lartë. Marouane Fellaini është në listë, ai e ka dëshmuar veten,” ka thënë një burim i The Sun nga klubi rus.

Trajneri italian i Zenitit, Luciano Spalleti, do ta kërkojë Fellainin 25 vjeçar, që ta vendosë atë në zemër të mesfushës pasi që dyshja që e posedon, Konstantin Zyryanov (35 vjeç) dhe Sergei Semak (36 vjeç), është plakur.