3 asistime nga Messi për përmbysje në Villamarin

Barcelona ka shënuar fitore shumë të vështirë sonte në Benito Villamarin ndaj Real Betisit, duke e përmbysur epërsinë e vendasve 1-0, 2-1 për përfundimtaren 2-3 [Canales 6, Fekir 26 - de Jong 9, Busquets 45, Lenglet 72].

Ka qenë Lionel Messi që ka asistuar në të tre golat e ekipit katalonas sonte, derisa Frenkie de Jong, Sergio Busquets dhe Clement Lenglet kanë shënuar për fitoren e ekipit të Quique Setienit, që anuloi dy epërsitë e vendasve të arritura me Sergio Canales dhe Nabil Fekir.

Të dyja skuadrat kah fundi i ndeshjes mbetën me 10 lojtarë në fushë, pasi që Fekir (76) në një anë dhe Lenglet (79) në anën tjetër morrën kartonat e dytë të verdhë.

Me këtë fitore, Barcelona mbetet tre pikë larg Real Madridit lider dhe lufta për titull të kampionit vazhdon në Spanjë.