3 pikë në start të kualifikimeve për dardanet

Vashat e Kosovës kanë nisur me fitore kualifikueset evropiane, duke e mposhtur Turqinë 2-0 sontë në Fadil Vokrri të Prishtinës.

Të drejtuara nga selektorja Afërdita Fazlija, vajazat kanë shënuar dy gola të shpejtë në pjesë të parë të ndeshjes për të siguruar fitoren 2-0.

Golat i shënuan Lirdona Syla (33’) dhe Modesta Uka (39’) për fitoren e dardaneve në nismë të këtyre kualifikimeve.

Pas kësaj fitoreje vajzat nisen për në Slloveni, ku do të ndeshen me sllovenet, që sonte u mposhtën nga Rusia 0-1. Ndeshja Sllovenia-Kosova do të zhvillohet më 3 shtator 2019 me fillim prej orës 17:00 në Sportni Center, Dravograd.

Përveç Sllovenisë dhe Turqisë, Kosova në grup ka edhe këto kundërshtare: Holandën, Rusinë dhe Estoninë.