7he Champ10ns - Barcelona

Me fitoren 2-4 ndaj Deportivo La Corunas sonte, Barcelona ka fituar titullin e shtatë në dekadën e fundit të La Ligas, për të konfirmuar dominimin e madh në ligën spanjolle.

Lionel Messi ka qenë njeriu i ndeshjes me hat-trick, që pasoi pas golit të parë të shënuar nga Philippe Coutinho, ndërsa superylli Messi përveç hat-trickut ka shënuar edhe një rekord në karrierë, duke u bërë njeriu i parë në histori i La Ligas që shënon në shtatë stinor të ndryshëm mbi 30 gola!

Deportivo e drejtuar nga Clarence Seedorf, e pagjasë për të shpëtuar, përveç kundërshtarit nuk pat ndonjë motivim tjetër, ku dy golat e tyre barazuan në 2-2 rezultatin, para se Messi në 8 minutëshin e fundit shënoi dy herë tjera për të kompletuar hat-trickun dhe vendosur rezultatin përfundimtar, 2-4. 

TABELA AKTUALE E LA LIGAS

Barcelona zyrtarisht është kampione e Spanjës 2017/18, ndërsa në dhjetë vjeçarin e fundit, vetëm Atletico Madrid (1) dhe Real Madridi (2) kanë arritur të ndajnë katalonasit nga titulli.

Faqja zyrtare e Barcelonës ka nisur mbrëmjen festive me heshtegun e dominimit të dekadës, me 7 tituj nga dhjetë vitet e fundit. 7he Champ10ns.