Arsenal shuan Fenerin

Arsenal ka pritur në pjesën e parë për të goditur në pjesën e dytë. Topçinjtë e Arsene Wenger kanë shuar fenerin turk duke e mposhtur me rezultat të papritur prej 0-3 në ndeshjen e parë të zhvilluar sonte në Stamboll. 

Ndeshja e vlefshme për kualifikim në Ligë të Kampionëve i ka takuar plotësisht Arsenalit dhe tani Fenerbahçe do të duhet të udhëtojë vetëm sa për sy e faqe në Londër, pasi që rikthimi i këtij rezultati shikuar nga ndeshja e sontme - duket i pamundur. 

Në ndeshjet tjera, Arijan Ademi është paraqitur tërë ndeshjen me Dinamon, në humbjen nga kampioni austriak, Austria Wien. Fatos Beqiraj nuk ka qenë pjesë e ekipit të Zagerbit. Austria Wien ka befasuar Dinamon në Maksimir të Zagrebit duke e mposhtur atë. 

Basel ka arritur që të nxjerrë rezultat pozitiv në Bullgari, ndaj kampionit Ludogorets. Taulant Xhaka është futur në lojë që nga minuta e 65-të, derisa Arlind Ajeti ka qenë pjesë e zviceranëve që nga minuta e parë e ndeshjes. 

Edhe Ergys Kaçe ka luajtur gjysmë orëshin e fundit të ndeshjes për PAOK-un në ndeshje ndaj Schalkes. Pasi që u fut Kaçe në lojë PAOK barazoi në saje të ish mesfushorit të Fenerbahçes, Miroslav Stoch, ku edhe ndeshja përfundoi me këtë rezultat, 1-1. 

LIGA E KAMPIONËVE, Play-Off