Avci dorëhiqet

Përzgjedhësi i përfaqësueses turke në futboll, Abdullah Avci, ka dhënë dorëheqje nga detyra e tij. Pas 21 muajsh të kaluara si trajner ai i ka dhënë fund detyrës së tij, pas rezultateve të dobëta të Turqisë, e cila së fundi barazoi në miqësore me Ganën 2-2, përkundër se ishte në epërsi 2-0. 

Avci, kishte ardhur në postin e trajnerit të përfaqësueses më 17 nëntor të vitit 2011, për ta zëvendësuar strategun holandez, Guus Hiddink. 

Turqia ka vënë në rrezik kualifikim në Kampionat Botëror. Ata kanë vetëm 7 pikë nga 6 ndeshje të zhvilluara, derisa liderja e Grupit D, Holanda, ka 18 pikë. Para Turqisë gjenden edhe Hungaria me 11 dhe Rumania me 10 pikë. Deri në fund të kualifikimeve kanë mbetur edhe katër ndeshje për t’i zhvilluar, derisa Turqia kërkon pozitën e dytë që dërgon në barazh për te Brazili 2014.