ME TIFOZËRI NË DERBI
Ballkani në kërkim të kreut, me publik në Istog
12 April, 2018 @16:44
Skuadra e Ballkanit të Suharekës, që po lufton të sigurojë direkt pjesëmarrjen në Superligë për stinorin e ardhshëm, kësaj radhe pritet të ketë përkrahje të madhe në përballjen e radhës.
TABELA AKTUALE E LIGËS SË PARË
Kjo, pasi që tifozëria e ekipit suharekas, Xhebrailat, ka paralajmëruar udhëtim drejt Istogut, ku Ballkani do të jetë mysafir i Onixit, në ndeshjen që llogaritet të jetë edhe derbi i xhiros XXV të Ligës së Parë.
Ballkani aktualisht është i dyti në klasifikim dhe bashkë me KEK-un lider dhe Vushtrrinë ndjekëse, po luftojnë për një vend që dërgon direkt në Superligë, derisa secila kërkon t’i ikë ndeshjeve të barazhit.
