NGA KONFERENCA
Bernard Berisha: Është koha të fitoj rastin
5 September, 2019 @20:45
Njëri ndër futbollistët që gjithmonë ka qenë pranë Kosovës dhe ka qenë i qetë, Bernard Berisha, në konferencën e sotme për shtyp para ndeshjes ndaj Çekisë ka thënë se ka ardhur koha që të fitojë rastin për ta treguar veten në fushë.
“Është çdo herë kënaqësi të jem pjesë e Kosovës. Kam marre ftesën pas formës së mirë dhe kam dëshirën të jap më të mirën. Shpresoj të më jepet mundësia. E kam pritur ketë moment është momenti im dhe pres ta ndihmoj ekipin. Çekia është favorite në letër, por ne do të duhet të fitojmë për shkak se nuk kemi zgjidhje. Synimi kryesor është që ta fitojmë këtë ndeshje dhe t’i gëzojmë të gjithë. Kemi mungesa, por mund t’i zëvendësojmë. Është ndeshje vendimtare dhe duhet ta fitojmë”, ka theksuar Berisha.
Berisha 27 vjeç po llogarit që mund të jetë zëvendësim për mungesën e krahëve të parë të Kosovës, Arbër Zeneli e Milot Rashica.
Përndryshe, pejani është në formë të mirë te ekipi i tij Akhmat që luan në elitën ruse. Ai në tetë ndeshjet e para të stinorit, ka shënuar dy gola për ekipin e tij.