PARA 2020
Blendi Memaj ndahet me Llapin
31 December, 2019 @8:31
Një ditë para Vitit të Ri, futbollisti i Llapit, Blendi Memaj ka bërë të ditur se ka ndarë rrugët me ekipin e tij, pas gjysmëstinorit të kaluar në Zahir Pajaziti.
Mesfushori Memaj që më parë ka luajtur për Lirinë e Prizrenit, ka shënuar dy gola këtë stinor për llapjanët, derisa ekipi ka përfunduar pjesën e parë të stinorit në pozitë të shtatë të klasifikimit.
Largimin e tij nga klubi, Memaj e ka bërë të ditur në llogarinë e tij në Facebook.
“Ju njoftoj se prej sot nuk jam pjesë e KF Llapi. Falenderoj bashkëlojtarët, stafin, kryesinë dhe tifozët, për korrektësinë përgjatë kohës sa ishim bashkë. KF Llapit i dëshiroj mbarësi dhe suksese,” ka shkruar ai.
