CHELSEA 2-1 LEICESTER
Foto: premierleague.com
Chelsea pranë Championsit, Leicester rrezikon gjithçka
18 May, 2021 @23:28
Vetëm një xhiro para përfundimit të stinorit në Premier Ligë, Chelsea është shumë pranë sigurimit të Champions League me një vend në TOP 4 të elitës, derisa fituesi i FA Cupës, Leicester, është duke rrezikuar gjithçka.
Vetëm 3 ditë pasi u mposhtën në finale të Kupës, Chelsea ka arritur që para 8 mijë tifozëve në Stamford Bridge të mposht kundërshtarin - që i la pa Kupë, 2-1 [Rudiger 47, Jorginho 66p. - Iheanacho 76].
Fitorja ka çuar Chelsean në pozitë të tretë, ndërsa Leicesterin e ka rrëzuar në të katërtin vend, derisa Liverpool po pret rastin për të kapur këtë pozitë pasi ka një ndeshje e 3 pikë më pak.
