ROBERTO MANCINI
Do të jetë vështirë, edhe pse s’janë Belgjikë
6 July, 2021 @12:44
Trajneri i Italisë, Roberto Mancini, në konferencën për shtyp para ndeshjes gjysmëfinale të EURO2020 ndaj Spanjës ka thënë se do të jetë vështirë kalimi tutje i ekipit të tij, pasi që Spanja ka trajner tepër të mirë dhe lojtarë të mirë.
Shkurt, ai ka treguar se ndeshja nuk do të jetë e njëjtë në asnjë mënyrë me atë të kaluarën.
“Do të jetë vështirë. Edhe pse Spanja nuk është Belgjikë, do të jetë vështirë. Nuk do të jetë ndeshje e njëjtë nëse e krahasoni me të tjerat. Kjo përballje do të ketë vështirësitë e veta, që vinë nga e kaluara. Spanja ka qenë e jashtëzakonshme me vite të tëra, pa marrë parasysh që tash kanë ndërrime në skuadër dhe duken më të ri. Kanë një trajner tepër të mirë dhe lojtar shumë të dalluar,” ka thënë Mancini.
Italia po llogaritet si më e mira ndër kohë me lojën që po e bën nën drejtimin e Mancinit. Mirëpo, përballja ndaj Spanjës pritet të jetë krejt tjetër, për shkak të lojës së spanjollëve me dominim në posedim.
E kush do të shkojë në finale, kuptohet sonte në përballjen që nis prej orës 21:00 në Wembley të Londrës.
