Drita kryen sot përgatitjet e fundit para ndeshjes në UECL

Skuadra e Dritës që përfundoi sezonin si nënkampione e Kosovës dhe do të merr pjesë në UEFA Conference League (shkurt: UECL) ka bërë të ditur se sot prej orës 18:30 do të zhvillojë përgatitjet e fundit para ndeshjes.

Drita është shortuar në raundin e parë kualifikues të garës së re të të UEFA-së ndaj skuadrës shqiptare të Malit të Zi, Deçiç nga Tuzi.

Ndeshja mes Dritës dhe Deçiçit do të luhet nesër në Fadil Vokrri me fillim prej orës 20:00. Ndërsa javën tjetër luhet ndeshja e kthimit.

Kujtojmë, nëse Drita del më e mirë sesa Deçiçi në raundin e parë kualifikues dhe kalon në të dytin, aty e pret kampioni i shumëfishtë i Holandës, Feyenoord.