DUKAGJINI
Ekipi i ri i Superligës në Ohër ndaj Tiranës
24 July, 2019 @16:17
Skuadra e re e Superligës, Dukagjini, pasi që emëroi në krye të shtabit teknik trajnerin me përvojë, Xhengis Rexhepi, tashmë është duke u stërvitur dy herë në ditë dhe po ngrit qëndrueshmërinë e futbollistëve për edicionin që vjen.
Pas fazës përgatitore të zhvilluar në Kosovë, ekipi qe disa ditë gjindet në Ohër të Maqedonisë Veriore ku po bën përgatitjet.
Dukagjini mposhti në miqësoret e para përgatitore Onixin dhe Dritën e Bogovinës. Tash e pret një test tepër i rëndësishëm ekipin e Rexhepit.
Ata kanë përcaktuar miqësore me skuadrën e Tiranës. Ndeshja do të luhet sot.
Dukagjini këtë verë zyrtarizoi si futbollistë treshen e Vëllaznimit: Altik Muhaxhiri, Jeton Dushi dhe Ilir Syla. Morrën edhe Ilir Mustafën e Elton Basriun me përvojë nga Superliga.
Deri në fund të afatit kalimtar dhe pas fazës përgatitore ekipi pritet të shihet nëse do të bëj edhe ndonjë përforcim, para stinorit të ri të Superligës.