Emery s’merr Xhakën për ndeshjen e radhës

Edhe pse u tha që po pushon në përballjen e Kupës së Ligës ndaj Liverpoolit, Granit Xhaka nuk do të jetë pjesë e ekipit të Arsenalit as për përballjen e Premier Ligës ndaj Wolvesit, ka bërë të ditur sot trajneri spanjoll i ekipit Unai Emery.

Emery ka dhënë sinjale se ai s’do të jetë në ekip për ndeshje ndaj ëolvesit këtë fundjavë, ndërsa përsëri nuk ka komentuar nëse 27 vjeçari do të mbetet kapiten i skuadrës.

“Së pari është njeriu, humaniteti. Sikurse çdokush, edhe Xhaka i ndjen çështjet personale, si çdo njeri tjetër dhe atij do t’i duhet kohë për t’iu kthyer normalitet,” ka thënë Emery sot, shkruan SkySport.

“Nuk e kam ndërmend që ta fus në ndeshje nesër. Mendoj se nuk është i gatshëm të luajë. Ne jemi të koncentruar 100% për ndeshjen e radhës,” ka shtuar Emery.

Xhaka, pas incidentit që kishte me tifozët e ekipit në fundjavën e kaluar, mbrëmë kërkoi falje publike për gjestin e tij.