FERIZAJI-KEK
Foto: nga arkivi
Ferizaji mposht KEK-un, ‘nxehet’ Liga e Parë
1 April, 2018 @17:33
Ka ardhë edhe humbja e dytë e KEK-ut në stinorin pranveror, ndërsa Ferizaji sot me golat e Avdyl Halitit dhe Nazif Mulakut ka shënuar fitore 2-0 ndaj elektricistëve.
Kjo fitore, përveç që ka forcuar Ferizajin në pozitën e katërt të Ligës së Parë, ka ngushtuar edhe epërsinë e KEK-ut në krye të tabelës ndaj përcjellësve - në vetëm një pikë.
Ndodhi e veçantë në këtë ndeshje ka qenë vonesa prej 38 minutash për nisje të saj.
Pasi që në stadium mungonte autoambulanca, që është kusht për të nisur ndeshja, makinës së ndihmës së shpejtë i janë dashur 38 minuta për t’u paraqitur në fushë të lojës.
