Flamurtari zyrtarizon trajnerin e ri

Skuadra e Flamurtarit ka bërë të ditur edhe zyrtarisht emrin e trajnerit të ri, pas dorëheqjes së Agron Selmanit dhe punës së përkohshme të Megzon Visokës, ku ky i fundit edhe solli fitoren e parë të ekipit këtë stinor.

Gajur Rexhepi, ka nisur sot punën me ekipin kuqezi nga Prishtina, ndërsa Agim Hasani, drejtor sportiv i Flamurtarit, ka thënë për Kohën ditore sot se Rexhepi ka punuar në Turqi si trajner dhe ka qenë ish lojtar i Lirisë në ligën e dytë federative të Jugosllovisë, e skuadra pret rikthimin e motivit dhe të rezultateve në skuadër.

Flamurtari aktualisht është në vend të parafundit në Superligë, me 5 pikë të fituara nga 8 ndeshjet e para.

Xhiron që vjen, Flamurtari pret ish-kampionin e Kosovës, Feronikelin në Prishtinë.