Goli i Berishës, s’mjaftoi ndaj Lazios

Mesfushori i reprezentacionit të Kosovës, Valon Berisha, ka shënuar golin e barazimit të ekipit të tij Salzburg, 1-1, nga penalltia, por nuk ka ndalë humbjen e ekipit të tij që pasoi.

Marco Parolo i dha përsëri avantazhin Lazios, e Takumi Minamino barazoi në 2-2, duke shënuar golin e dytë të ekipit austriak. 

Sidoqoftë, Lazioja me dy gola të shpejtë shënoi fitore 4-2 në përballje ndaj Salzburgut, derisa me ndeshjen e sontme, gjithçka duket hapur për ndeshjen e kthimit që zhvillohet javën që vjen në Austri.

Valon Berisha ka qenë ndër më të mirët në fushë për ekipin e Salzburgut dhe ka qenë për 90 minuta në fushë të lojës.

Njejtë, edhe në anën tjetër, reprezentuesi i Shqipërisë, Thomas Strakosha, ka mbrojtur portën e lacialëve për 90 minuta në fitore.