DRENICA - DUKAGJINI
Harmon dhe Mustafa kujdesen për fitoren e Drenicës
23 October, 2019 @17:38
Një fitore të lehtë e ka regjistruar Drenica ndaj Dukagjinit, duke e mposhtur kundërshtarin me rezultat 3-0.
Skuadra nga Skenderaji, Drenica, golin e parë shënoi përmes Harmon Gbowas, i cili goditi e tundi rrjetën e portierit Flamur Neziri me kokë, pas një asistimi të Genc Hamitit.
Në minutën e 58’, Diar Mustafa e dyfishoi epërsinë, kurse Harmon dy minuta para përfundimit të ndeshjes e shënoi golin e dytë personal dhe të tretin për skuadrën.
Drenica aktualisht gjendet në pozitën e shtatë me 14 pikë, kurse Dukagjini me 7 pikë gjendet në zonën e rrezikshme.
Në xhiron e 12, Drenica takohet me Feronikelin, kurse Dukagjini me Ballkanin.
