HAT-TRICK HEROES
Hat-trick në Superligë: I pari dhe i shpejti
8 June, 2020 @14:04
Në Kosovë nuk është lehtë të shënosh tre gola në një ndeshje. Tre-golëshi nga foleja e futbollit ka marrë emrin hat-trick.
E hat-trick në Kosovë deri tash kanë shënuar vetëm dy futbollistë. I pari që ka shënuar hat-trick këtë stinor është futbollisti i Gjilanit, që e bëri këtë arritje në nëntor të vitit të kaluar, në xhiron XIII.
Fiton Hajdari ka qenë i vetmi me hattrick në Superligë deri dje, kur sulmuesi i Prishtinës Meriton Korenica ia shënoi treshen Ferizajit, pas dhjetë xhirosh (XXIII) e shtatë muaj më vonë.
Vetëm këta dy futbollistë kanë shënuar hat-trick në Superligë këtë stinor.
Pas tre-golëshit të shënuar nga Meriton Korenica dje në fitoren e Prishtinës ndaj Ferizajit, ai është bërë vetëm lojtari i dytë i këtij stinori që ka arritur të shënojë hattrick në Superligën 2019/20.
I vetmi lojtar që ka arritur të shënojë deri tash hattrick në një ndeshje të Superligës këtë stinor ka qenë Fiton Hajdari i Gjilanit.
Fitoni kishte shënuar tre golësh në fitoren e Gjilanit ndaj Ferizajit të zhvilluar më 3 nëntor 2019, kur gjilanasit fituan 4-0 këtë përballje.
E Meritoni e ka arritur këtë tregolësh ndaj kundërshtarit të njëjtë, por në kushte më të lehta, pasi që Ferizaji luante me gjysmë ekipi në këtë përballje, kur dihet se i munguan 5 lojtarë standard për shkak të kartonave të verdhë.
Sidoqoftë, kjo nuk ia humb aspak arritjen e Korenicës së Prishtinës, pasi ai e ka arritur hattrickun më të shpejtë të stinorit, duke e kompletuar atë për 58 minuta lojë.
E Hajdari hattrickun e tij e kishte kompletuar për 87 minuta lojë.
Dyshja në fjalë për momentin janë në TOP 10 të golashënuesve të Superligës këtë stinor, ku Hajdari ka nëntë të shënuara, ndërsa Korenica shtatë.