GRUPI D
Juve e Atletico nisin dallimin
1 October, 2019 @23:20
Me fitoret e sontme bindëse, Juventus dhe Atletico Madrid kanë treguar dallimin ndaj skuadrave tjera kundërshtare që e kanë në Grupin D të Ligës së Kampionëve.
Juventus kaloi pa telashe Bayer Leverkusenin 3-0 në Torino (Gonzalo Higuain 17, Federico Bernardeschi 61’, Cristiano Ronaldo 88’), ndërsa Atletico Madrid njoftoi me humbje Lokomotivën në Moskë, për tu ngjitur mbi ta në renditje.
Joao Felix (48’) e Thomas Partey (58’) shënuan për madrilenët në fitoren 0-2 në Rusinë e ftohtë, për të ndjekur Juven lidere që ka një gol të shënuar më shumë.
Pas dy ndeshjeve të para të grupit, Juventus ka 4 pikë, sa ka edhe Atletico, ndërsa Lokomotiva me 3 e Bayeri me 0, pritet të luftojnë për një vend që dërgon në Europa Ligë, nëse nuk ndodh ndonjë befasi e madhe.