Juventusi vlerëson Kulusevskin, e zyrtarizon dhe e huazon

Një orë më parë, Juventus e zyrtarizoi futbollistin e ri në skuadër, Dejan Kulusevski, që ka origjinë nga Maqedonia Veriore por është i lindur në Stockholm.

Mesfushori 19 vjeç u ul me Pavel Nedvedin në tavolinë, ku nënshkroi kontratën e tij me ekipin bianconer, me afat deri më 30 qershor 2024.

Juventus do t’i paguajë 35 milionë euro Atalantës në këste, për pesë vitet e ardhshme, derisa llogaria e bergamasve mund të sheh edhe 9 milionë euro tjera shtesë, nëse Kulusevski arrin disa kushte suksesi shtesë të dhëna në kontratë.

Kulusevski do të vazhdojë karrierën e tij ende te Parma, së paku deri në fund të këtij stinori, ka bërë të ditur Juventus.

“Ai ështe i ndërtuar me talent të kristaltë,” ka shkruar ndër të tjera faqja zyrtare e bianconerëve.