Lehtë s’do të jetë

Njëri ndër futbollistët më të mirë të përfaqësueses së Kosovës, Valon Berisha, në deklaratën e tij para ndeshjes ndaj Maltës ka thënë se pret fitore.

“Së pari t’ju them se jam i lumtur që pas lëndimit jam kthyer në ekip, pas gati një viti. Jemi duke u përgatitur mjaft mirë dhe besoj se do të shënojmë fitore, por assesi nuk do ta kemi të lehtë. Kemi një atmosferë të mirë në skuadër dhe po punohet me përkushtim,” ka thënë Berisha, që pas lëndimit të gjatë në fundjavën që e lamë pas debutoi edhe për ekipin e tij Lazio.

ORARI I NDESHJEVE dhe TABELA

Kosova është e para në Grupin 3 të Ligës D të Kombeve. Në dy ndeshjet e radhës, Kosova pret Maltën më 11, ndërsa i shkon Ishujve Faroe më 14 tetor.