Liderët e LaLigas

Klubi andaluzian që u në verë erdhi nga Liga e Dytë në LaLiga, përfitoi nga shtyerja e El Clasicos për tu bërë lidere e elitës së futbollit spanjoll, duke kërcyer nga pozita e gjashtë në të parën me fitore ndaj Betisit 1-0.

Granada ka 20 pikë nga 10 ndeshje dhe një ditë para dueleve të xhiros së radhës në LaLiga pritet të mbajnë ende kreun.

Alvar Vadillo shënoi për fitoren e tyre, ndërsa Granada është me një pikë më shumë sesa Barcelona, Real Sociedadi, Atletico Madridi dhe Sevilla - ku që të gjithë kanë nga 19 pikë!

Përndryshe, Granada asnjëherë në historinë e saj 86 vjeçare nuk ka arritur të fitojë ndonjë trofe të rëndësishëm si ekip.

Ata më së shumti i ishin afruar Kupës së Spanjës në sezonin 1958/59, kur arritën finalen dhe i ndali Barcelona aty. Në LaLiga, më së larti kanë qenë në pozitën e gjashtë, dy herë, gjatë viteve të shtatëdhjeta të shekullit të kaluar.