DRITA 2-0 DUKAGJINI
Liderja ngrit diferencën në krye
28 June, 2020 @19:30
Skuadra e Dritës përsëri ka pasur telashe në pjesë të parë për të shënuar gol, por në pjesë të dytë e ka arritur këtë dhe është çliruar në rrugë drejt fitores ndaj skuadrës së fundit në tabelë, Dukagjinit, që edhe matematikisht ka rënë nga elita.
Drita mposhti Dukagjinin 2-0 [Liridon Leci 58, Astrit Fazliu 88] për të ngritur diferencën në krye ndaj Prishtinës ndjekëse në 7 pikë për momentin.
Dy raste të mira në pjesë të parë dhe një penallti në fillim të pjesës të dytë nuk mjaftuan për Dritën për të shënuar. Betim Haxhimusa pa topin e tij të mbrojtur nga portieri i Dukagjinit, Bojaj (48’).
Por shpejt gjithçka në vend të vetë solli mbrojtësi me përvojë i gjilanasve, Liridon Leci.
Veçanërisht pasi Erjon Vuçaj një minutë më parë tronditi portën duke shutuar në transverzalen e kundërshtarit.
Leci pas kornerit të ekzekutuar nga Izair Emini u gjend më së miri në zonë dhe me kokë qëlloi pjesën e poshtme të djathtë të portës për epërsinë fillestare 1-0 (57’).
E pas kësaj Drita u vërsul edhe më në sulm dhe krejt në fund kapën edhe golin e rehatisë përmes Astrit Fazliut, që shënoi për 2-0 (88’).
Me fitore Drita u ngrit 7 pikë përkohësisht mbi Prishtinën në krye të tabelës, ndërsa Dukagjini që tashmë ka rënë nga Superliga po kalon xhirot e fundit në elitë.