PARA DUELIT NDAJ VIKTORIAS
Lopetegui porosit: Real Madrid është gjallë
22 October, 2018 @22:25
Trajneri i shumë kritikuar i Real Madridit që gjendet para shkarkimit nga posti i tij pas rezultateve të dobëta ka dhënë një porosi sot.
Julen Lopetegui ka deklaruar se Real Madrid është gjallë dhe ekipi në ADN e ka luftën, prandaj çdo gjë shpejt do të kthehet në binarë.
Real Madrid nuk ka shënuar fitore në pesë ndeshjet e fundit në të gjitha garat.
“Nuk brengosem për ato që raportohen. Puna ime është që të bëj gati ekipin për ndeshjen e radhës dhe kjo është ajo që po bëj,” ka thënë ndër të tjera Lopetegui.
Real Madrid nesër mbrëma pret Viktoria Plzenin çek në Bernabeu, ku pritet të kthehet te golat dhe fitoret.
Derisa CSKA është lidere e Grupit G me 4 pikë, Real dhe Roma kanë nga 3 e Viktoria është e fundit me 1 pikë të vetme.
