Maqedonasit po kërkojnë shtyerjen e ndeshjes nga UEFA-ja!

Mediat maqedonase sot kanë bërë të ditur se nga burimet e tyre brenda Federatës kanë mësuar se FFM do të kërkojë nga UEFA-ja shtyerjen e ndeshjes ndërmjet Maqedonisë dhe Kosovës.

Kjo për shkak se tre lojtarët që vlerësohen më të mirët te maqedonët, Goran Pandev, Elif Elmas dhe Ilija Nestoroski - luajnë në Serie A-në italiane dhe aktualisht janë në karantinë 14 ditore - që do të pamundësojë ardhjen e tyre për ndeshje ndaj Kosovës.

Sipas sportmedia, FFM do të bëj kërkesën në drejtim të UEFA-së sot ose nesër, ndërsa vendimin përfundimtar do ta ketë UEFA-ja. Në artikull thuhet që FFM ka përkrahjen edhe të FFK-së, për shkak të lojtarëve të Kosovës që luajnë aty.

Siç e dimë, Amir Rrahmani dhe Samir Ujkani janë pjesë e ekipeve të Serie A-së.

Përndryshe, sot është marrë vendim nga Ministria e Shëndetësisë së Maqedonisë që aktivitetet publike që mbledhin mbi qindra njerëz në tubime të ndalohen për 30 ditët e ardhshme, ku përfshihet natyrisht edhe sporti.