BAYERN - FRANKFURT
Meritan Shabani startues në fitoren e Bayernit
28 April, 2018 @17:19
Të koncentruar në ndeshjen kthyese ndaj Realit në Champions, ndeshje e cila zhvillohet të martën e ardhshme, Bayerni sot u paraqit me një formacion ‘të dytë’ ndaj Frankfurtit në ‘Allianz Arena’.
Dhe kjo ndikoi pozitivisht te Meritan Shabani, kosovari që luan te gjigandi bavarez. Shabani ishte startues në këtë duel, ndërsa luajti për gjithsej 56 minuta.
Kjo ishte ndeshja debutuese e Shabanit te skuadra seniore e kampionit të Gjermanisë.
Me titullin në Bundesligë që tashmë është i siguruar, vëmendja e Bayernit mbetet në ‘Bernabeu’, aty ku bavarezët të martën që vjen do ta tentojnë përmbysjen pas humbjes 1-2 në shtëpi pak ditë më parë.
