MARSEILLE - SALZBURG
Foto: EuropaLeague/fb
Payet me asistime, afron Marseillein në finale
26 April, 2018 @22:57
Mesfushori i reprezentacionit të Francës, Dimitri Payet ka asistuar dy herë për bashkëlojtarët e tij sonte, ashtu që ekipi i tij të shënojë fitore 2-0 ndaj Salzburgut në ndeshjen e parë gjysmëfinale të Europa Ligës.
Marseille i Rudi Garcias tashmë duket të jetë afër finales, pas epërsisë dygolëshe që erdhën me Florian Thauvinin në fillim dhe Clinton N’Jien në pjesë të dytë.
Reprezentuesi i Kosovës, Valon Berisha, ka qenë për 90 minuta pjesë e Salzburgut, por ekipi i tij sonte nuk ka arritur t’i bëj ballë marsejezëve të disponuar.
Javën që vjen, në Salzburg të Austrisë zhvillohet ndeshja e kthimit, ndërsa aty vendoset përfundimisht finalisti nga ky çift gjysmëfinal.
