Në rrugë për kampionë dhe finale të Ligës së Kampionëve

Dy skuadrat që janë lidere në ligat e tyre dhe janë në rrugë të mirë për tu bërë kampionë këtë stinor, Monaco dhe Juventus, do të përballen në gjysmëfinalen e dytë të Ligës së Kampionëve sonte.

Monaco është vendase në duelin e parë, ndaj fqinjit gjeografik në Itali, Juventus.

Monaco ka eliminuar Manchester Cityn dhe Borussia Dortmundin në rrugë për gjysmëfinale.

PLAYOFF SKEMA

Kurse Juventusi në rrugë për gjysmëfinale ka tejkaluar Porton dhe Barcelonën.

Kryqëzimi i rrugëve të tyre, do të thotë se vetëm njëra do të arrijë finalen, ku me gjasa të mëdha i pret kampioni aktual Real Madrid, që mposhti 3-0 në ndeshjen e parë gjysmëfinale Atletico Madridin.

PIKAT KRYESORE:

-Monaco po kërkon finalen e dytë të Ligës së Kampionëve, pas asaj të 2003/04.
-Juventus ka fituar vetëm 1 nga 11 gjysmëfinalet europiane, si mysafire është fjala.
-Juventus ka mposhtur 6-4 (pas dy ndeshjeve) Monacon në gjysmëfinalen e Ligës së Kampionëve 1997/98.
-Monaco ka fituar 6 dhe ka barazuar njëherë në shtëpi këtë stinor në gara europiane.

FORMACIONET E MUNDSHME:

MONACO: Monaco: Subašić; Mendy, Jemerson, Glik, Touré; Bernardo Silva, Fabinho, Bakayoko, Lemar; Mbappé, Falcao.

JUVENTUS: Juventus: Buffon; Dani Alves, Bonucci, Chiellini, Alex Sandro; Pjanić, Marchisio; Cuadrado, Dybala, Mandžukić; Higuaín.

BASTORET:

Favorit i bastoreve është Juventusi me koeficien 2.45 për fitore. Monacoja kuotohet me 3.1, ndërsa barazimi është më së paku i pritur dhe kuotohet me 3.3.