Nga Anglia në Portugali, 5 për fundjavë!

1. West Bromwich – Watford (e shtunë, ora 4)

Përkundër pesë qendërmbrojtësve të lënduar, Watford ka arritur të marrë dy fitore të rëndësishme si mysafir te Southampton dhe Swansea edhe pse janë rrahur keq ndërmjet kësaj nga Manchester City. Marco Silva vitin e kaluar nuk ia doli të mbaj në ligë Hull Cityn dhe ardhja e tij tek Watford më bënte të dyshoja në synimin e tyre këtë sezon pas një sezoni ku ishin ngjitur deri në pozitën e dymbëdhjetë edhe pse vetëm në fund kishin shpëtuar. Doucure këtë sezon po tregohet shumë i mirë në mesfushë ku kanë shtuar Cleverley dhe Chalobah. Por, ardhja më e mirë duket të jetë Richarlison. Braziliani ka pasur një start të shkëlqyeshëm të sezonit, derisa Andre Gray nuk po gjen aq shpesh portën përkundër minutave të shumtë që po merr në krahasim me Troy Deeneyin.
Watford si mysafir deri tani kanë shënuar fitore në të gjitha ndeshjet, përfshirë edhe ndaj Bournemouthit, deirsa pikët e vetme pos nga City i kanë humbur ndaj Liverpoolit dhe Brightonit si vendas.

Në anën tjetër WBA nuk kanë gjetur fitoren në muajin shtator. Kanë heq qafe Arsenalin dhe Manchester Cityn, por humbja nga Brighton s’duket të jetë e mençur. Po luajnë futboll shumë defanziv derisa Rondon dhe i ardhuri Jay Rodriguez nuk kanë gjetur golin tashmë disa javë. Oliver Burke i sjellë nga Leipzig nuk po gjen hapësirën e mjaftueshme. Pasi kanë heqë qafe Berahinon, këtë sezon problemi i Pulis mbetet me Chadlin, i cili akoma vazhdon të vuaj protestat verore për largim duke mos u angazhuar me ekipin e parë.
Është një ndeshje interesante, me dy ekipe të udhëhequra nga trajner ndryshe. Nga ato të orës 4, më e mira këtë javë me gjasë!

2. Chelsea – Manchester City (e shtunë, ora 6e30)

Një duel kampionësh!
Nuk nevojiten fjalën për të ju bindur ta shihni këtë ndeshje!

3. Hertha - Bayern (e diel, ora 3e30)

PUSHTETI PËR LOJTARËT!

Ndoshta mund të fajësojmë trajnerët në menaxhimin e lojtarëve të tyre, por është hera e dytë në tri vitet e fundit që ekipe të mëdha po bëjnë ndryshime menaxherësh për shkak të protestave të lojtarëve. Dhe kur trajnerët që shkarkohen nuk janë kampionë të shumëfishtë evropian me dy ekipe të ndryshme, nuk është shumë për t’u çuditur. Së pari Mourinho e tani Ancelotti largohen për shkak se kanë humbur ekipin. Dhe ky i fundit me gjasë nga dy lojtarët që ka përkëdhelë më së shumti.
Hertha ka mungesë të sulmuesve kryesorë por me pushimin e Leckies e Kalous në humbjen e Ostersundsit mund të rrezikoj deri diku mysafirët. Humbja ndaj Mainzit javën e kaluar kërkon këndellje më të shpejtë, ngjashëm si Bayerni që duhet të këndellet pas humbjes ndaj PSG.
Vendimet e Ancelottit në ekip nuk kanë qenë të mençura. Shumë rotacione tek qendërmbrojtësit dhe mesfushorët qendror, derisa krahët kanë qenë më të pandryshueshëm. Në fakt më shumë gabime ka bërë sezonin e kaluar se këtë sezon, por asnjëra nuk janë të mjaftueshme për shkarkimin e tij sidomos kur dihet se kanë pasur trajnerë që janë rrahur nga dyshja spanjolle dhe kanë vazhduar punën. Të shohim a do të kenë fatin e Chelseat!

4. Milan – Roma (e diel, ora 6)

Është një e metë e trajnerëve italian shumica e të cilëve janë adhurues të rotacionit. Pë dallim prej Montellas i cili pas një het-triku të vendos në bankën rezervë, Eusebio Di Francesco të lë të shënosh në katër ndeshje radhazi. Të dy trajnerët janë në pozita të reja, i pari me udhëheqje dhe ekip gati krejt të re, i dyti në një ambient të ri ku po përshtatet mirë me ekipe të reja. Të dy po kanë probleme t’i mbyllin ndeshjet dhe me gjasë fundi i ndeshjes do të përcaktoj rezultatin përfundimtar, edhe pse të dyja kanë qenë goxha efektive në pjesët e para deri tani.
Rezultati definitivisht do të përcaktoj fatin e Montellas për të cilin është çështje kohe shkarkimi, edhe pse idetë për pasardhësin e tij vetëm sa do të humbin një sezon të plotë të kuqezinjve.

5. Sporting CP – Porto (e diel, ora 8e15)

Humbja e Benficas ndaj Boavistas para dy jave, barazimi i Sportingut ndaj Moreirenses, veç sa shtojnë rëndësinë vitale të mposhtjes në derbin e të dielës. Përkundër mungesës së titujve viteve të fundit, Sportingu ka qenë më i mirë në duelet direkte, dhe si vendas nuk mposhtet nga Porto gati dhjetë vite.
Porto ka kthyer Vincent Aboubakarin i cili bashkë me Moussa Maregan e ardhur po mbulojnë mirë largimin e Silvës. Edhe Brahimi ka pasur një fillim më të mirë këtë sezon dhe fitorja ndaj Monacos vetëm sa duhet t’i motivojë më shumë për derbin portugez.
Hiç më keq nuk janë as Sportingu. Fati i mbajti pa pikë ndaj Barcelonës, derisa ardhja e Bruno Fernandesit po ofron supergola pothuajse çdo javë, si dhe në sulm Bas Dost në sulm po gjen partneritet të mirë me Gelson Martinsin këtë fillim sezoni.