Një italian në vend të Koemanit

Barcelona është në krizë. Bile, në krizë të thellë, pasi që pos largimit të disa lojtarëve nga klubi, ekipi tash po ka edhe krizë në lojë.

E së fundi, barazimi i zorshëm dje me Granadën që është në pozitat e fundit të renditjes, ka bërë që trajneri aktual i katalonasve, Ronald Koeman, të jetë në opcion për shkarkim të menjëhershëm.

E si zëvendësues të tij janë përmendur dy ish-trajnerët e Juventusit, Antonio Conte dhe Andrea Pirlo.

Mediat spanjolle kanë bërë të ditur se Koeman mund të mos pres ndeshjen e xhiros së radhës në LaLiga, derisa drejtuesit e ekipit janë duke shikuar opcionet për trajnerë, që pritet të jetë njëri nga italianët e përmendur.

Conte e Pirlo janë aktualisht trajnerë të lirë. Në stinorin e kaluar Conte kishte bërë Interin kampion në Serie A, ndërsa Pirlo kishte luftuar me Juventusin për të ndalë Interin.