VITIA 0-1 BESA
Pamje nga arkivi
Norik Krasniqi vendos, Besa lidere
31 August, 2019 @20:14
Skuadra e Besës së Pejës ka vazhduar me fitore edhe këtë xhiro. Pas demolimit të Vllaznisë në xhiron e parë të stinorit, ekipi pejan që po mëton rikthimin në elitë këtë stinor, ka mposhtur Vitinë si mysafire.
Në duelin e luajtur në fushën me bar sintetik të Sadovinës së Jerlive, Besa ka triumfuar me golin e shënuar 10 minuta para fundit të takimit.
Pas pjesës së parë që përfundoi baraz 0-0, ka qenë Norik Krasniqi që ka bërë dallimin dhe ka vendosur ndeshjen. Ai me golin e shënuar në minutën e 80 të takimit i ka siguruar Besës tre pikë sot, për të vazhduar kryesimin e Ligës së Parë.
Kujtojmë, Besa ende nuk ka pranuar gol këtë stinor në Ligë të Parë.
