Nuk do të dorëzohemi

Vushtrria befasoi Dritën me paraqitje të tejet të mirë sot, por në fund u mposht. Ndërsa trajneri i ekipit Fitim Llapashtica ka bërë të ditur se vushtrriasit nuk do të dorëzohen assesi në luftë për mbijetesë.

“Paraqitja e sotme për dallim nga ndeshjet e kaluara ka qenë si nata me ditën. Futbollistët tanë i dhanë leksion Dritës. Gjyqtarët na hodhën poshtë djersën tonë. Ne kemi bërë mrekulli në fushë. Nuk jemi të komponuar dhe kemi bërë paraqitje dinjitoze. Ne nuk do të ndalemi dhe nuk do të dorëzohemi deri në atomin e fundit dhe ndeshjen e fundit,” ka thënë ai për Supersportin pas ndeshjes.

Vushtrria që erdhi si kampione e Ligës së Parë në Superligë këtë sezon, po përjeton ditë të vështira në Superligë dhe po lufton për mbijetesë.