Pas 7 vitesh i kthehen Serie A-së

Herën e fundit pjesë e elitës ishin në vitin 2012. Dhe tash pas 7 viteve mungesë ekipi i Lecces i është rikhtyer elitës së futbollit italian.

Pas ndeshjeve të fundit të stinorit të rregullt në Serie B dhe pas sigurimit të Serie A-së nga Brescia, ekipi i Lecces ka mposhtur Spezian 2-1 për të siguruar biletën direkte për Serie A.

Trajneri i ekipit, Fabio Liverani, ka thënë se ekipi nuk ka qenë i sigurt për ngritje në fillim të sezonit, por ecuria e mirë në xhirot e fundit të stinorit i gjeti ata në vend të dytë të klasifikimit dhe kështu siguruan Serie A-në.

Në anën tjetër, ekipi i tretë që do të plasohet në Serie A do të kuptohet pas ndeshjeve të PlayOffit në Serie B.

Aty Verona do të luajë ndaj Spezias dhe Pescara ndaj Cittadellas. Fituesit e këtyre ndeshjeve do t’i vihen përballë Palermos dhe Beneventos përkatësisht, për të luftuar për biletën finale që dërgon në elitë.

PLAYOFF I SERIE B:

ÇEREKFINALET

17 maj Verona - Spezia
18 maj Pescara - Citadella

GJYSMËFINALET

21 maj Fituesi 1 - Palermo
25 maj Palermo - Fituesi 1

22 maj Fituesi 2 - Benevento
26 maj Benevento - Fituesi 2

FINALET

30 maj Gj’finalisti 1 - Gj’finalisti 2
2 qershor Gj’finalisti 2 - Gj’finalisti 1