Pas inspektimit, Challandes flet për Maqedoninë

Bernard Challandes ka bërë të ditur se ka parë Maqedoninë në përballje ndaj Izraelit, por një ndeshje nuk mjafton për të dhënë një konkludim konkret për kundërshtarin e PlayOffit të Ligës D të Kombeve.

Në një intervistë dhënë KTV-së, zvicerani ka thënë fillimisht se Maqedonia ka cilësi në lojën e saj dhe ekip, ndërsa ka veçuar futbollistin e Napolit dhe bashkëlojtarin e Elseid Hysajt, Elif Elmas.

“Ai është një lojtar shumë interesant,” ka thënë ndër të tjera Challandes për shkupjanin Elmas, që njëkohësisht ka qenë edhe golashënuesi më i mirë i maqedonasve në rrugëtimin e tyre kualifikues për EURO2020.

Sa i përket gjasave për kualifikim në finale të Ligës D të Kombeve, Challandes ka thënë se mundësitë aktualisht janë 50 me 50. Por, shpresa e tij qëndron në faktin se lojtarët e rëndësishëm të 11-shes së parë të Kosovës, Arbër Zeneli, Vedat Muriqi, Hekuran Kryeziu e Herolind Shala - do të jenë të gatshëm deri në mars 2020 për të qenë prezent në këtë ndeshje, e pas kësaj, nëse kalojmë tutje, do të flasim për kundërshtarin e radhës.