Po të mos ishim gati për fitore, s’do të udhëtonim

Bernard Challandes përsëri ka qenë karizmatik në konferencë për shtyp. Ai në Plzen para gazetarëve të shumtë të mbledhur, një ditë para ndeshjes së Kosovës ndaj Çekisë, ka thënë se po të mos ishin gati, s’do të udhëtonin fare për në Çeki.

“A jemi gati? Sigurisht që po, pasi nëse nuk do të ishim do të qëndronim në Prishtinë e nuk do të vinim këtu. Muriqi është një mungesë e rëndësishme, pasi nuk kemi një lojtar të dytë si ai, që mund ta zëvendësoj kokë më kokë, por ka shumë rëndësi që të reagojmë si grup dhe të luajmë në këtë mënyrë në fushën e lojës”, ka thënë Challandes.

TABELA AKTUALE

Kurse sa i përket pyetjes se a pret shtatore në Prishtinë, nëse e dërgon Kosovën direkt në EURO 2020, ai ka thënë.

“Ajo që po bëj unë është përgatitja e ekipit tim për një ndeshje sa më të mirë, pasi jemi në një moment vendimtar të kualifikimeve dhe duam të arrijmë diçka. A pres një shtatore në Prishtinë në rast kualifikimi në Euro 2020? Po, shpresoj”, ka nënvizuar Challandes.