Çekët me statistikë superiore për EURO

Po t’ju thotë dikush ti numëroni gjashtë përfaqësuese që kanë qenë pjesë e çdo Kampionati Evropian që prej vitit 1996, do të mund t’i qëlloni me të parën çiftin e Gjermanisë, Italisë, Francës, Spanjës e Portugalisë.

Por pak kush pa shikuar në historinë e evropianeve do të thoshte që edhe Çekia bën pjesë në këtë statistikë impresive të vendeve evropiane, pjesëmarrëse të rregullta të evropianeve që prej EUROs 1996.

ORARI I NDESHJEVE, REZULTATET dhe TABELA AKTUALE

Pa harruar të përmendim edhe një fakt impresiv. Çekia është reprezentacioni i parë në këtë dekadë që i ka shkaktuar humbje Anglisë në kualifikime!

E tash Çekia ka gjithçka në dorën e vetë, pasi që ndeshet me rivalin direkt të saj për kualifikim - Kosovën.

Kosova në anën tjetër, do të duhet të shënojë fitoren e dytë si mysafir në fazën grupore patjetër, të enjten ndaj Çekisë në Plzen, për të shpresuar në pikë ndaj Anglisë të dielën për të siguruar evropianin e parë në histori të saj.