Aliti: Nëse luajmë futboll si gjithmonë, dalim fitues

Qendërmbrojtësi i pazëvendësueshëm i Kosovës, Fidan Aliti, në konferencë për shtyp para ndeshjes ndaj Çekisë ka bërë të ditur se nëse Kosova luan lojën e saj, do të dalë fitues në të parën, nga dy përballjet vendimtare për kualifikim në EURO 2020.

TABELA AKTUALE dhe ORARI

”Është një ndeshje shumë e rëndësishme dhe këtë e dimë edhe ne. Këtë e shohim si finale. Besoj tek ekipi dhe nëse luajmë futboll si gjithmonë, do të dalim fitues. Ne e dimë çfarë kualitete ka Çekia dhe këtë e pamë kur luajtëm këtu në Prishtinë. Nuk diskutohet që ata kanë lojtarë me shumë kualitet dhe eksperiencë, por nëse luajmë si grup kam besim se do të marrim një rezultat pozitiv në Çeki”, ka thënë Aliti.

TABELA AKTUALE dhe ORARI

Në pyetjen e gazetarëve se në taborin çek ka pasur deklarata se e meritojnë kualifikimin para Kosovës, Aliti ka shtuar:

“Çdo lojtar thotë për veti se e meriton kualifikimin, si unë që them për Kosovën ashtu edhe kundërshtarët për kombëtaren e vete. Jo vetëm ne si lojtar dhe Kosova si ekip, por ky popull dhe ky shtet e meriton të shkojë në Evropian”, ka thënë ndër të tjera Aliti.

Kosovës i duhet fitorja në përballje ndaj Çekisë. Në rast të fitores, dardanët do të shpresojnë për pikë në përballje ndaj Anglisë që të sigurojnë EURO2020-shin, të parin në histori.