ERNEST GJOKA
Shkëndija s’është vetëm e Tetovës, por e gjithë shqiptarëve
24 September, 2020 @0:28
Skuadra e Shkëndijës nesër del në njërën ndër përballjet më të mëdha në histori të saj, pasi që ka rival në xhiron e tretë kualifikuese të Europa Ligës, Tottenhamin e Jose Mourinhos.
Në një video të përgatitur para ndeshjes që zhvillohet të enjtën në Shkup, trajneri i Shkëndijës Ernest Gjoka ka thënë se Shkëndija nuk është vetëm ekip i Tetovës por i gjithë shqiptarëve në botë.
Ai është shprehur i lumtur që do të ketë rastin të takojë edhe një trajner ndër më të famshëm në botë, Jose Mourinho, që drejton Tottenhamin, ndërsa ka theksuar se kjo ndeshje do të jetë kënaqësi dhe motivim për ekipin kuqezi nga Tetova.
Ndeshja Shkëndija - Tottenham nis në ora 20:00 në Shkup, ndërsa fituesi i përballjes kalon në fazën përfundimtare kualifikuese, në PlayOff, që është hapi i fundit para se të sigurohet sezoni i rregullt në Europa League 2020/21