SHORTI I GARAVE EVROPIANE
Sot kuptohen kundërshtarët e raundit të parë kualifikues
18 June, 2019 @14:27
Kampioni i Kosovës, Feronikeli dhe nënkampionia Prishtina, sot do të kuptojnë rivalët e tyre të radhës, që do t’i kenë përballë, nëse kalojnë raundin preliminar të garave të tyre.
Feronikeli (që garon në raundin preliminar të Ligës së Kampionëve) rreth orës 14:45 do të kuptojë se cili nga kundërshtarët do të jetë i radhës për ta, nëse triumfojnë në raundin preliminar.
Kundërshtarë potencial të kampionit të trefishtë të Kosovës janë: BATE Borisov nga Bellorusia, Maribor nga Sllovenia, Rosenborg nga Norvegjia, Helsinki nga Finlanda, Dundalk nga Irlanda dhe The New Saints nga Uellsi.
Në anën tjetër, Prishtina (që garon në raundin prelimar të Europa Ligës) do të kuptojë kundërshtarin e raundit të parë rreth një orë pas shortit të Feronikelit.
Kundërshtrë potencial të Prishtinës janë: Rangers i Skocisë, Brondby i Danimarkës, Cork i Irlandës, Molde i Norvegjisë dhe Crusader i Irlandës Veriore.
