TOP 5
Trajnerët më të paguar të EURO2016
9 June, 2016 @10:03
Përzgjedhësi i Anglisë, Roy Hodgson, prin listën e trajnerëve më të paguar në EURO 2016, ka bërë të ditur Daily Mail sot.
Hodgson e Conte para Löwit
Hodgson udhëheq listën e më të paguarve me 4.4 milionë euro rrogë vjetore.
Pas tij vjen italiani Antonio Conte, që merr 4 milionë euro në vjet, derisa i treti në listë është turku Fatih Terim me 3.4 milionë euro për vjet.
FOTO: Antonio Conte, ndër më të paguarit në europian dhe ka nënshkruar me Chelsean në Premier Ligë, ku do të shkojë posa të përfundojë europiani. Italia do të mbetet në dorë të Giampiero Venturas.
Dallimi i madh
TOP 5 përzgjedhësit më të paguar të EUROs i kompletojnë edhe Joachim Low, me 2.7 milionë euro për vjet dhe Vicente del Bosque me 2.5 milionë euro.
Italiani i kombëtares shqiptare, Gianni De Biasi, besohet se merr diku mbi 300 mijë euro në vjet si rrogë, duke qenë njëri ndër trajnerët më së paku të paguar te kombëtaret pjesëmarrëse në EURO 2016.
